Шаҳри Кӯлоб дар рӯзи аввали сафарбарии ҷавонон ба сафи Қувваҳои Мусаллаҳи Ҷумҳурии Тоҷикистон нақшаи даъвати ҷавононро иҷро намуд.
Бино ба иттилои Мақомоти иҷроияи ҳокимияти давлатии шаҳри Кӯлоб, дар ҳамоиш роҳбарияти шаҳри Кӯлоб, роҳбарони мақомоти ҳифзи ҳуқуқ, намояндагони воситаҳои ахбори омма ва падару модарони даъватшавандагон иштирок намуданд.
Таъкид гардид, ки хизмат дар сафи Артиши миллӣ қарзи муқаддаси ҳар як ҷавони ватандӯст буда, саҳми арзанда дар ҳифзи истиқлолу амнияти кишвар маҳсуб меёбад.
Чорабинӣ дар фазои тантанавӣ баргузор гардида, бо сурудҳои ватандӯстона ва гусели гарму самимии даъватшавандагон анҷом ёфт.
