Имсол рӯзи 9-уми май парад, яъне ҳамоиши ҷашнӣ бахшида ба Рӯзи Ғалаба дар шаҳри Санкт-Петербурги Русия бидуни намоиши техникаи ҳарбӣ баргузор мегардад.
Тавре расонаҳои русӣ менависанд, дар ҳамоиш донишҷӯёни омӯзишгоҳҳои ҳарбӣ иштирок мекунанд, вале барномаи ҷашнии Рӯзи Ғалаба бе иштироки нахимовчиҳо, суворовчиҳо ва кадетҳо мегузарад. Ба ҷойи 3 минбар танҳо як минбар гузошта шуда, шумораи меҳмонон аз 5600 ба 300 нафар кам карда шудааст.
Бино ба иттилои Вазорати мудофиаи Русия, имсол дар шаҳри Маскав низ паради Рӯзи Ғалаба бидуни намоиши корвони мошинҳои низомӣ мегузарад.
