Вазири маориф ва илми Тоҷикистон Раҳим Саидзода имрӯз дар нишасти матуботӣ ба журналистон гуфт, ки "Қонуни мақоми омӯзгор" таҳия шуда, дар баррасӣ қарор дорад ва моҳҳои наздик тасдиқ хоҳад шуд.
Инчунин, тавре ӯ зикр намуд, яке аз ҳадафҳои асосии ин қонун он аст, ки омӯзгорон ба корҳои дигар, аз ҷумла шанбегиҳо ҷалб карда намешаванд. Вазифаи онҳо танҳо таълим ба мактаббачаҳо аст, на дигар корҳо.
Ҳамзамон, вазир қайд намуд, ки "ҳеҷ кас ҳуқуқ надорад ба дарси омӯзгор халал расонад, ҳатто вазир".
