Маҷлиси миллии Тоҷикистон, палатаи болоии парлумони кишвар қонуни баҳсбарангез "Дар бораи танзими ҷашну маросим"-ро қабул кард.

Имрӯз, 19-уми июн, иҷлосияи ҳаждаҳуми Маҷлиси миллии Маҷлиси Олии Тоҷикистон даъвати шашум баргузор гардид. Дар иҷлосия тарҳи нави қонун “Дар бораи танзими ҷашну маросим”, ки дар асоси он, пӯшидани либоси бегона ва идгардаки кӯдакон манъ аст, аз тарафи аъзои шӯро баррасӣ ва қабул карда шуд.

Вакилон, боз беш аз 30 қонуни дигарро дар таҳрири нав баррасӣ ва ҷонибдорӣ кардаанд.

Дар ин бора хадамоти матбуотии парлумони болоӣ хабар додааст.

Мирсаид Сатториён