Дар Тоҷикистон пардохти маблағ барои истифодаи захираҳои ҷангал ва ҷуброни зарари ба ҷангал расонидашуда минбаъд ба таври ғайринақдӣ анҷом дода мешавад.

Тибқи тағйироте, ки Маҷлиси намояндагони Маҷлиси Олии Ҷумҳурии Тоҷикистон ба Кодекси ҷангали кишвар қабул кардааст, истифодабарандагони ҷангал уҳдадор мешаванд, ки маблағи истифодаи ҷангалро танҳо ғайринақдӣ пардохт намоянд. Ҳамчунин, пардохти маблағи ҷуброни зарари ба ҷангал расонидашуда низ минбаъд бо роҳи ғайринақдӣ сурат мегирад.

Ин тағйирот ба Кодекси ҷангал ворид гардида, тартиби пардохти маблағҳои марбут ба истифода ва ҳифзи ҷангалро танзим менамояд.