Дар Душанбе 32-юмин мусобиқаи ҷумҳуриявӣ оид ба футболи хурд бахшида ба хотираи собиқ футболбози маъруф Александр Кирсанов ба охир расид.

Натиҷаи рақобатҳо байни дастаҳои собиқадор:

Ғолиб - Вавилон (финал: 8:2 Динамо ВКД).

Биринҷӣ - Равшан (бозӣ барои ҷои 3-юм: 7:3 бар зидди Лазиз).

Натиҷаи рақобатҳо байни дастаҳои ҳаваскор:

Чемпион - Рахш Такси (финал: 2:1 бар зидди ФК Соро-2).

Биринҷӣ - Динамо ВКД (бозӣ барои ҷои 3-юм: 13:4 бар зидди ФК ТЭЦ).

Ғолибон бо Ҷом, медал ва мукофотҳои пулӣ сарфароз гардонида шуданд. Саидов Наврӯз, Шарифов Самад, Азизов Бахтиёр, Улмасов Алишер ва Хуршед Маҳмудов бозингарони беҳтарини мусобиқа дониста шуданд.

Ёдовар мешавем, ки соли дуюм аст, ки мусобиқаи мазкур таҳти сарпарастии ширкати «FORMULA55» баргузор мегардад.