Офоқ Қодириён, полковники милитсия, сухангӯи Раёсати корҳои дохилии вилояти Хатлон сазовори Ҷоизаи адабии вилоятии ба номи Шамсиддин Шоҳин гардид.

Гуфта мешавад, ки Қодириён бо қарори Кумитаи тадорукоти ҷоиза барои маҷмӯаи шеърҳои “Навои меҳр” соҳиби ин ҷоизаи адабӣ шудааст..

Ёдовар мешавем, ки Офоқ Қодириён узви Иттифоқи нависандагони Тоҷикистон, узви Иттифоқи журналистон ва шоири маҳбуб аст.

Номбурда чанд сол инҷониб сухангӯи милитсияи Хатлон буда, бо гузоришҳои саривақтии худ сокинонро аз кирдорҳои ғайриқонунии ҳудуди вилоят огоҳ мекунад.