Дар Қаҳрамонии ҷудои ҷаҳон - 2025, ки дар шаҳри Будапешти Маҷористон ҷараён дорад, Эмомалӣ Нуралӣ соҳиби нишони нуқра ва Обид Ҷебов соҳиби нишони биринҷӣ шуданд.

Дар 34 соли соҳибистиқлолии Тоҷикистон то ба имрӯз ҷудокорони тоҷик танҳо 2 нишони биринҷӣ дар мусобиқаҳои Чемпионати ҷаҳонии ҷудо ба даст оварда буданд - Расул Боқиев соли 2007 дар Рио-де-Жанейро ва Сомон Маҳмадбеков соли 2024 дар Абу-Даби.

Бино ба иттилои ТВ “Варзиш”, имсол, бори аввал, ду ҷудокори тоҷик дар як вазн соҳиби 2 медал гардиданд - нуқра ва биринҷӣ - ва ин як саҳифаи нави ифтихории ҷудои тоҷик ба ҳисоб меравад.