Дастаи мунтахаби Тоҷикистон оид ба футзал имрӯз, 16-уми сентябр бозии нахустини худро дар мусобиқоти Чемпионати ҷаҳон-2024 анҷом медиҳад. Дар ин хусус Федератсияи футболи Тоҷикистон хабар додааст.
Гуфта шудааст, ки дар бозии ифтитоҳии гурӯҳи «Е» футзалбозони Тоҷикистон бо чемпиони Африқо - тими миллии Марокаш вомехӯранд.
Бозӣ дар маҷмааи варзишии «Ҳумо Арена»-и шаҳри Тошканд соати 20:00 оғоз мешавад. Шоми имрӯз шумо метавонед рафти бозиро аз шабакаи телевизионии «Варзиш» ба таври мустақим тамошо кунед.
