Дирӯз дар Осорхонаи миллии Тоҷикистон даври сеюми Озмуни ҷумҳуриявии осорхонаҳо таҳти унвони «Оинаи таърих» баргузор гардид.
Дар озмун дар бахши «Беҳтарин осорхонаи таърихӣ-кишваршиносӣ» осорхонаи ноҳияи Ҷалолиддини Балхӣ ва дар бахши «Беҳтарин хона-музей» хона-музейи Камоли Хуҷандии шаҳри Хуҷанд сазовори ҷойҳои аввал гашт. Ҳамаи иштирокдорон ва ҳакамони озмун бо Диплому мукофоти пулӣ ва сипосномаҳои Вазорати фарҳанги Тоҷикистон қадрдонӣ гардиданд.
Озмуни мазкур давоми моҳҳои март-май дар се давр баргузор шуда, тибқи хулосаи ҳайати ҳакамон, ба даври ниҳоӣ аз рӯи бахшҳои «Беҳтарин осорхонаи таърихӣ-кишваршиносӣ» ва «Беҳтарин хона-музей» 15 осорхона роҳхат гирифт.
