Утеря
Мавсими анор дар Тоҷикистон: меваи лазизу пурфоида
60

Мавсими анор дар Тоҷикистон: меваи лазизу пурфоида
    Дар Тоҷикистон мавсими анор фаро расида, ин меваи хуштаъм дар бозорҳои кишвар фаровон гардидааст. Нархи як килограмм анор дар бозорҳои пойтахт аз 8 то 20 сомониро ташкил медиҳад.
 Анор яке аз меваҳои серғизо буда, дорои витамини С, нах ва антиоксидантҳо мебошад. Истеъмоли он ба ғизои солим мусоидат карда, барои фаъолияти муътадили организм муфид аст.

Навъҳои анор дар Тоҷикистон

Дар Тоҷикистон навъҳои гуногуни анор парвариш карда мешаванд. Аз ҷумла, анори шириндона бо таъми ширинаш, мулоимдона бо донаҳои мулоим, сурханор бо ранги сурхи зебо ва анори туршмазза бо таъми хоссааш фарқ мекунанд. Ҳамчунин навъҳои маҳаллӣ, аз ҷумла Каримӣ, низ мавҷуданд.

Анорпарварӣ дар Тоҷикистон

Вилояти Хатлон яке аз минтақаҳои асосии парвариши анор ба шумор меравад. Аз ҷумла, Норак, Қубодиён, Дӯстӣ ва Шамсиддин Шоҳин бо боғҳои анори худ маъруфанд. Парвариши ин мева на танҳо барои таъмини бозори дохилӣ, балки барои рушди боғдорӣ ва беҳтар гардидани даромади кишоварзон низ аҳаммият дорад.

Анор на танҳо меваи хуштаъму серғизо, балки рамзи баракату фаровонӣ дар фарҳанги мардуми тоҷик аст. Ҳар сол бо фаро расидани тирамоҳ ин неъмати табиат дастархони мардумро зеб медиҳад ва заҳмати боғпарваронро ба намоиш мегузорад.

Поделиться новостью
Шарҳ
(0)
ҲАНУЗ ШАРҲ НЕСТ
НОМАТОНРО НАВИСЕД
ШАРҲАТОНРО ГУЗОРЕД
Шарҳ
(0)
ҲАНУЗ ШАРҲ НЕСТ
НОМАТОНРО НАВИСЕД
ШАРҲАТОНРО ГУЗОРЕД