Arzon april 2022
МАРО БА ҚИШЛОҚ НАБАР, МАРДАК!
21.01.2021
ОИЛА
7640

Шавҳар карда аз шаҳр ба деҳа рафтам. 9 сол дар он ҷо зиндагӣ карда баъдан, бо кӯмаки бародарам ба шаҳр бозгаштем. Моҳи май хусурам фавтид. Ҳоло шавҳарам мехоҳад мо дубора ба деҳа равем. Хушдоманам чандон пир нест, ҳанӯзам дар мактаби деҳа кор мекунад. Барои он ки фарзандонам дар мактаби хуб мехонанд ва дар шаҳр камии барқ вуҷуд надорад, ман ба деҳа баргаштан намехоҳам.

Ин як, дуввум: аз як мактаб ба мактаби дигар бурдани хонанда барои ӯ душвориҳоро пеш меорад. Маслиҳатам диҳед, ҳамаи инро ба шавҳарам чи гуна фаҳмонам?
Матлуба, 36 сола
Маслиҳат аз идора
Қабл аз ба қароре омадан, аввал бояд донед, ки хушдоманатон дар ин хусус чӣ ақида дорад? Муқаррар, вай ба танҳогӣ одат кардааст. Мехоҳад худаш бо худаш бошад. Бо ду фарзанди синни мактабӣ ба хонаи ӯ рафта ҷояшро «танг» карданатон мумкин аст. Хушдоманатон чандон пир набошад, корҳои хонаро худаш мекардагист. Аз тарафи дигар, танҳоӣ ҳам душвор аст. Фарзандро бо умед калон мекунанд, ки дар пирӣ ассо гардад, ҳамдам шавад.
Чизи дигар: Муҳимтар аз ҳама фарзандони шумоянд. Барои онҳо кӯчидан ба деҳа, пеш аз ҳама, канда шудан аз ҳамсинфону рафиқонашон аст. Наврасони зиёде бо душворӣ аз рафиқонашон ҷудо шуда, бо душворӣ ба коллективи нав ворид мешаванд. Барои он ки бо шавҳаратон нофаҳмиҳо сар назанад, оромона маслиҳат карда, ҳолатро фаҳмонед. Бо хушдоманатон ҳам маслиҳат кунед, мешавад. Агар бо ӯ буданатонро хушнудона қабул кунад, бачаҳоро ба рафтан тайёр кунед, агар гӯяд, ки наберагонаш дар деҳаи бечароғу мактаби оддӣ азоб мекашанд, нуран ало нур мешавад. Дар ин сурат шумо ба мақсад мерасед.

Поделиться новостью
Шарҳ
(0)
ҲАНУЗ ШАРҲ НЕСТ
НОМАТОНРО НАВИСЕД
ШАРҲАТОНРО ГУЗОРЕД
Шарҳ
(0)
ҲАНУЗ ШАРҲ НЕСТ
НОМАТОНРО НАВИСЕД
ШАРҲАТОНРО ГУЗОРЕД