Мардон ва занони аз 28 то 58-солае, ки оиладор нестанд, аз кор ронда мешаванд. Ба одамони муҷаррад танҳо шаш моҳ муҳлат дода шудааст, то ки ҷуфти ба худ муносиб пайдо карда, оила барпо намоянд. Дар сурати дар давоми ним сол оиладор нашудан онҳоро аз кор меронанд.
Ширкати Shandong Suntech Chemical Group дар Чин тасмим гирифтааст, ки кормандони муҷарради худро аз кор холӣ кунад. Ба занҳо ва мардони аз 28 то 58-солае, ки дар ширкати мазкур кор мекунанд, роҳбарият фақат шаш моҳ муҳлат додааст, ки ҷуфти муносиби хешро ёфта, зудтар оиладор шаванд.
Тавре расонаҳо навиштаанд, ширкат огоҳ намудааст, ки дар сурати дар бадали ним сол оиладор нашудан, кормандони муҷаррад ҷойи кори худро аз даст медиҳанд.
