Перис Ҳилтон, Ҷеми Ли Куртис, Ҷеймс Вуд, Менди Мур, Марк Ҳамилл, Мариа Шрайвер ва боз чанд ситораи дигари Голливуд бар асари сӯхтори шадид, ки дар Амрико ба вуҷуъ пайваст, аз хонаҳои боҳашаммати худ маҳрум гаштаанд. Дар ин бора расонаҳои ҷаҳонӣ хабар доданд.

Сӯхтор дар як маҳаллаи машҳури шаҳри Лос-Анҷелес, ки бештар сарватмандон ва одамони машҳур дар он ҷо зиндагӣ мекунанд, сар зада, хонаи чанд ситораи кино ва телевизиони Амрикоро низ оташ фаро гирифтааст.

Тавре нашрияҳои амрикоӣ хабар додаанд, зимни сӯхтор манзили ҳунарпешаи маъруф Билли Кристал дар маҳаллаи Пасифик Палисайдз оташ гирифтааст. Хонаҳои боҳашаммати Перис Ҳилтон, Ҷеймс Вуд, Менди Мур, Ҷеми Ли Куртис, Мариа Шрайвер ва Марк Ҳамилл низ ба коми оташ рафтаанд. Ҳар як хонаи оташгирифтаи ситораҳои амрикоӣ ба ҳисоби миёна 4-5 миллион доллар арзиш доштааст.

Ёдрас мешавем, ки сӯхтори мудҳиш дар Калифорния рӯзи 7-уми январ сар зада, теъдоди 30 000 нафар ба ҷойҳои амн кӯчонида шудаанд.