Кумитаи ҳолатҳои фавқулодаи кишвар бо истинод ба маълумоти Хадамоти геофизикии Академияи миллии илмҳои Тоҷикистон хабар дод, ки имрӯз, 6-уми январи соли равон дар қаламрави Тоҷикистон ду заминларза ба қайд гирифта шудааст.
Гуфта мешавад, ки ларзиши аввал соати 09:32 дақиқаи вақти маҳаллӣ рух дода, маркази он 261-километрии ҷанубу шарқи шаҳри Душанбе, 56-километрии ҷанубу шарқи шаҳри Хоруғ, 61-километрии шимолу ғарб аз ноҳияи Ишкошим дар ҳудуди Афғонистон будааст.
Қувваи заминҷунбӣ дар маркази он 3 балл, шаҳри Хоруғ ва ноҳияи Ишкошини ВМКБ 2 баллро ташкил додааст.
Заминларзаи дуюм соати 12:17 дақиқа сабт шудааст. Маркази он 221-километрии ҷануби шаҳри Душанбе, 68-километрии ҷанубу шарқи ноҳияи Шаҳритуси вилояти Хатлон боз ҳам дар қаламрави Афғонистон будааст.
Қувваи ларзиши дуюми замин дар маркази он 3 бал ва дар ноҳияи Шаҳритус 2 баллро ташкил додааст.
Бино ба маълумоти расида, талафоти ҷонӣ ва хисороти дигар нест.
