Тайи се рӯз 28 даста аз тамоми минтақаҳо барои дарёфти унвони қаҳрамонӣ дар мусобиқаи Counter-Strike 2, ки дар киберклуби «Colizeum Premium Dushanbe» баргузор шуд, мубориза бурданд.
Ширкати FORMULA55 беҳтарин ҳавасмандони ин намуди варзиши электрониро ба ҳам овард.
Баъди муборизаи шадид ва бозиҳои зиёди шавқовар дастаи KAZAKI маҳорати баланд нишон дода, ҷои сеюмро ишғол намуд.
Дар бозии ҳалкунанда ду дастаи пурқувват - “Game Over” ва “Team58” вохӯрданд. Алакай дар оғози мусобиқа «Game Over» яке аз фаворитҳо буд ва мисли соли гузашта даста беҳтарин будани худро тасдиқ намуда, бори дуюм пайиҳам қаҳрамони FORMULA55 CUP шуд.
Дар фарҷоми мусобиқа ба ғолибон медал, ҷоизаҳо ва мукофотҳои пулӣ супорида шуд.
FORMULA55 ба ҳамаи варзишгарони киберро барои иштироки фаъолона дар мусобиқа ва бозиҳои ҷолибу шақовар миннатдорӣ баён мекунад!
