Пагоҳ, 31-уми март дар доираи даври ниҳоии марҳилаи интихобии “Ҷоми Осиё-2027” дастаи мунтахаби футболи Тоҷикистон бо тими миллии Филиппин рақобат хоҳад кард.

Бозӣ соати 19:00 дар Варзишгоҳи марказии шаҳри Ҳисор баргузор гашта, барои футболбозони тоҷик бозии тақдирсоз мебошад.

Футболбозони Тоҷикистон ва Филиппин баъди 5 бозии даври интихобӣ 13-имтиёзӣ гирифтаанд, вале аз рӯи таносуби тӯбҳои ба нишон расида Тоҷикистон дар ҷойи якум ва Филиппин дар зинаи дуюм қарор дорад.

Дар сурати ғалаба бар тими милии Филлипин ё ҳадди ақал мусовӣ анҷом ёфтани бозӣ футболбозони тоҷик ба “Ҷоми Осиё-2027” роҳхат мегиранд. Тими миллии Филиппин бошад, танҳо дар сурати ғалаба ба “Ҷоми Осиё-2027” роҳхат гирифта метавонад.

Ёдрас мешавем, ки мусобиқоти “Ҷоми Осиё-2027” аз 15-уми январ то 8-уми феврали соли оянда дар Арабистони Саудӣ баргузор гашта, дар он 24 тим иштирок ва рақобат хоҳанд кард.