Нисбати Фирӯзамоҳ Давлатова, сокини 41-солаи пойтахт маъруф ба “Фирӯзаи бренд” чораандешӣ сурат гирифтааст.
Бино ба иттилои Раёсати ВКД дар шаҳри Душанбе, бо вуҷуди он ки қаблан барои бадгуфторӣ дар шабакаҳои иҷтимоӣ чандин маротиба ба ҷавобгарӣ кашида шуда буд, Давлатова рафтори худро ислоҳ накарда, ҳамоно дар шабакаҳои иҷтимоӣ бо алфози қабеҳ баромад мекард, ки ин боиси вокунишҳои зиёди шаҳрвандон гардидааст.
Кормандони шуъбаи кофтукови ҷиноятии Раёсати ВКД нисбати ӯ протоколи маъмурӣ тартиб дода, парванда ба суд ирсол шудааст. Бо қарори суд Давлатова ба муҳлати 12 шабонарӯз ба ҳабси маъмурӣ маҳкум гардид.
