Дар меҳмонхонаи «Ҳаятт Риҷенси Душанбе» конференсияи ҳисоботӣ-интихоботии Федератсияи футболи Душанбе баргузор гардид.
Бино ба иттилои ТВ “Варзиш”, дар ҷараёни конференсия Фарҳод Мирзоев, директори генералии ширкати «Газпром нефт - Тоҷикистон» бори дигар раиси Федератсияи футболи Душанбе барои чаҳор соли нав интихоб шуд.
Исо Бафоев муовини якуми раиси Федератсияи футболи Душанбе ва Ҷаъфар Ахмедов муовини раис интихоб гардиданд. Ба ғайр аз ин, ба ҳайати нави Кумитаи иҷроияи федератсияи мазкур 7 нафар шомил шуданд.
- Дар ҷамъомад котиби генералии Федератсияи футболи Тоҷикистон Фурқат Ахмедҷонов ширкат дошт,- меафзояд манбаъ.
Ёдовар мешавем, ки қаблан раиси вилояти Суғд Раҷаббой Аҳмадзода дигарбора раиси Федератсияи футболи вилояти Суғд ва раиси вилояти Хатлон Давлаталӣ Саид раиси Федератсияи футболи Хатлон интихоб шуда буданд.
