Аз 19 то 23-юми майи соли равон дар шаҳри Душанбе Рӯзҳои фарҳанги Озарбойҷон доир мешавад.

Барномаи ин чорабинӣ консерт, намоиши ҳунарҳои мардуми Озарбойҷонро дар бар хоҳад гирифт.

Баргузории Рӯзҳои фарҳанг боиси мустаҳкам шудани робитаи ду давлат дар бахши фарҳанг ва санъат хоҳад шуд.

Ёдовар мешавем, ки соли 2024 Рӯзҳои фарҳанги Тоҷикистон дар шаҳрҳои Боку ва Ганҷаи Озарбойҷон доир гардид. Дар доираи он намоишгоҳҳо ва барномаҳои консертӣ бо ширкати ҳунармандони тоҷик ташкил шуд.