Эрон ба Консулгарии Амрико дар Дубай ҳамла карду Амрико ба Дабирхона ва Маҷлиси хубгарони Эрон

Харобиҳо дар пайи ҷанги Амрико ва Исроил бо Эрон торафт меафзоянд. Шаби гузашта Эрон ба бинои Консулгарии Амрико дар шаҳри Дубайи Аморати Муттаҳидаи Араб ҳамлаи паҳподӣ анҷом дода, дар натиҷа сӯхтор сар задааст. Аммо ҳукуматдорони Дубай гуфтаанд, ки сӯхтор сари вақт хомӯш карда шуда, касе ҷароҳат набардоштааст.

Дар ҳамин ҳол расонаҳои эронӣ аз ҳамлаи мушакии Амрикову Исроил ба дабирхонаи Маҷлиси хибрагон дар шаҳри Қум ва бинои дабирхонаи Маҷмаи ташхиси маслиҳати низоми Эрон дар Теҳрон хабар доданд. Маҷлиси хибрагон масъулияти таъин намудан, аз кор гирифтан ва назорат бар раҳбари Эронро бар ӯҳда дорад ва тибқи навиштаи расонаҳои эронӣ бо сабаби қадимӣ будани бинои Маҷлиси хибрагон дар он ҷаласаҳо баргузор намегаштаанд. Зимни ҳамла ба ин бино касе осеб надидааст.