Эмомалӣ Раҳмон барои иштирок дар ҳамоиши СҲШ ба Бишкек рафтанд
Президенти Ҷумҳурии Тоҷикистон Эмомалӣ Раҳмон имрӯз, 31 август, барои иштирок дар ҳамоиши сарони давлатҳои узви Созмони ҳамкории Шанхай (СҲШ) ба шаҳри Бишкеки Ҷумҳурии Қирғизистон сафар карданд.
Дар ин сафар Президенти Тоҷикистонро як қатор шахсони расмӣ, аз ҷумла муовини якуми Сарвазир, Вазири корҳои хориҷӣ, ёрдамчии Президенти Ҷумҳурии Тоҷикистон оид ба масъалаҳои робитаҳои хориҷӣ ва Вазири энергетика ва захираҳои об ҳамроҳӣ мекунанд.
Интизор меравад, ки дар ҷараёни ҳамоиш сарони давлатҳои узви СҲШ масъалаҳои таҳкими ҳамкориҳои бисёрҷониба, рушди муносибатҳои иқтисодиву сиёсӣ, инчунин масъалаҳои муҳими минтақавӣ ва байналмилалиро баррасӣ намоянд.
Ҳамоиши сарони давлатҳои узви СҲШ яке аз чорабиниҳои муҳими сиёсӣ дар доираи ҳамкориҳои кишварҳои минтақа ба шумор меравад.
