Барои содир намудани ҷинояти авбошӣ ва дағалона вайрон кардани тартиботи ҷамъиятӣ аз ҷониби кормандони ШВКД-2 дар ноҳияи Сино шаҳрвандон Муҳаммади Раҳмон, сокини 30-солаи ноҳияи Ш. Шоҳин ва Субҳонов Муҳаммад, сокини 36-солаи шаҳри Душанбе дастгир карда шудаанд.
Бино ба иттилои РВКД дар шаҳри Душанбе, зимни санҷиш муайян гардидааст, ки номбурдагон санаи 3-юми апрели соли ҷорӣ дар кӯчаи Хоразмӣ бо ҳамдигар муноқиша намуда, якдигарро мавриди латукӯб қарор додаанд. Дар ҷараёни муноқиша Муҳаммади Раҳмон аз ҳиссиёти авбошӣ гӯши шаҳрванд Субҳонов Муҳаммадро газида, ба ӯ ҷароҳати ҷисмонӣ расонидааст.
Вобаста ба ҳолати мазкур нисбати ҳар ду нафар маводҳои зарурӣ тартиб дода шуда, парванда мавриди тафтишоти пешакӣ қарор дорад.
