Марҳилаи сеюми бақайдгирӣ барои имтиҳонҳои қабул тамдид шуд

Маркази миллии тестии назди Президенти Тоҷикистон муҳлати марҳилаи сеюми бақайдгирии довталабонро барои иштирок дар имтиҳонҳои қабул тамдид кард.
Тибқи иттилои Марказ, қабули дархостҳо то 15 сентябри соли 2026 идома хоҳад кард.
Гуфта мешавад, ки тамдиди муҳлати бақайдгирӣ ба шумораи зиёди довталабон ва мавҷуд будани ҷойҳои холии иловагӣ дар як қатор муассисаҳои таълимӣ вобаста аст.
Аз довталабоне, ки то ҳол барои иштирок дар имтиҳонҳои қабул худро ба қайд нагирифтаанд, даъват шудааст, ки дар муҳлати муайяншуда аз имконияти иловагӣ истифода баранд.