Дастаи мунтахаби наврасони Тоҷикистон (U-17) таҳти роҳбарии Марко Раҷини нахустин бозиро дар мусобиқаи байналмилалии дӯстонаи «Ҷоми Истиқлолияти Индонезия-2025» анҷом дод.
Тавре Федератсияи футболи Тоҷикистон хабар медиҳад, рақиби якуми дастаи мо дастаи мунтахаби Индонезия буд. Вохӯрӣ мусовӣ - 2:2 анҷом ёфт. Голҳои дастаи мунтахаби Тоҷикистонро Зариф Зарифзода ва Назрулло Ашурализода заданд.
Бозии навбатии дастаи мунтахаби наврасони Тоҷикистон 15-уми август ба муқобили тими наврасони Мали, ки дар даври аввал бар дастаи Ӯзбекистон (5:1) пирӯз шуд, баргузор мегардад.
