Тавре аз Мақомоти иҷроияи ҳокимияти давлатии шаҳри Турсунзода иттилоъ доданд, ба истиқболи 34-солагии ҷашни Истиқлоли давлатии Ҷумҳурии Тоҷикистон дар маркази шаҳр 5 боғчаи нави бачагонаи хусусӣ ба фаъолият шуруъ намуд.
Дар боғчаи бачагонаи «Лола» 70 нафар, дар кӯдакистони Ҷамъияти дорои масъулияти маҳдуди «Ганҷи Шифо» 300, дар «Малика» 120, дар кӯдакистони бунёдкардаи соҳибкор Ҷамшед Раҳматуллоев 300 ва дар кӯдакистону Маркази инкишофи кӯдаки соҳибкор Акбарҷон Тураев 100 нафар кӯдакон ба тарбия фаро гирифта мешаванд.
Гуфта мешавад, ки сохтмони 7 муассисаи дигари томактабӣ бо теъдоди 1012 ҷой идома дошта, то охири соли 2025 қисми зиёди ин иншоот мавриди истифода қарор мегиранд.
