Ба хотири таҷлили сазовори ҷашни 35-солагии Истиқлоли давлатии Ҷумҳурии Тоҷикистон дар шаҳри Бӯстон тақрибан 1 километр роҳ бо паҳноии 9 метр, яъне дар масоҳати 9 ҳазор метри мураббаъ асфалтпӯш карда мешавад.

Ин иқдоми муҳим бо дастгирии Мақомоти иҷроияи ҳокимияти давлатии шаҳри Бӯстон ва саҳми соҳибкорони маҳаллӣ амалӣ мегардад.

То имрӯз дар ҳудуди шаҳр беш аз 17 километр роҳ таъмиру мумфарш гардидааст. Он ба беҳтар гардидани шароити зиндагии сокинон ва рушди минбаъдаи инфрасохтор мусоидат мекунад.

Дар шаҳр дар баробари бунёди иншооти ҷашнӣ ба масъалаи таъмиру мумфаршсозии роҳҳо низ таваҷҷуҳи ҷиддӣ равона карда шудааст.