Шоми 17-уми август як мошини боркаш дар роҳи Душанбе-Хуҷанд ба дарё афтода, ягона масир ба шимоли кишвар қариб ду соат баста шудааст. Ҳодиса дар деҳаи Петеи ноҳияи Айнӣ рух додааст.

Ба гуфтаи шоҳидон, ду нафар дар дохили мошини боркаш будаанд ва онҳоро то ҳол пайдо накардаанд. Мақомот ҳодисаро шарҳ надодаанд.

Дар гузашта ҳам чандин маротиба мошинҳо дар роҳи Душанбе-Хуҷанд ба ҷарӣ ва дарё афтоданд. Ин масир ягона роҳи пулакӣ дар Тоҷикистон буда, нигоҳдории он ба зиммаи ширкати IRS аст.