Дастаи мунтахаби занонаи Тоҷикистон дар рӯзҳои ФИФА-и моҳи феврал бо тими миллии бонувони Арабистони Саудӣ ду бозии дӯстона анҷом медиҳад.
Бино ба иттилои Федератсияи футболи Тоҷикистон, вохӯриҳо рӯзҳои 23 ва 26-уми феврал дар Ҷидда баргузор мешаванд.
Барои тими мунтахаби занонаи Тоҷикистон ин марҳилаи омодагӣ ба мусобиқоти интихобии Ҷоми Осиё-2026, ки аз 23-юми июн то 5-уми июли соли ҷорӣ баргузор мешавад, ба ҳисоб меравад.
Рақибони дастаи мо дар марҳилаи интихобӣ 27-уми март муайян мешаванд.
