Бозӣ байни дастаҳои “Рома” ва “Милан” дар даври 22-юми мавсими ҷории Серияи А-и Италия 2025/2026 дар варзишгоҳи "Олимпико"-и шаҳри Рим бо ҳисоби мусовии 1-1 ба анҷом расид.
Бино ба иттилои ТВ “Варзиш”, ҳимоятгари бошгоҳи Милан Конни Де Винтер дар дақиқаи 62-юм ҳисобро кушод. Вале нимҳимоятгари мизбонон Лоренсо Пеллегрини бошад, дар дақиқаи 74-ум бо зарбаи пеналтӣ ҳисобро баробар кард. Дар вақтҳои боқимонда дастаҳо ба задани гол муваффақ нашуданд.
Пас аз 22 бозӣ дар Серияи А-и Италия “Рома” бо 43 имтиёз дар ҷои чорум қарор дорад. “Милан” 47 имтиёз дошта, дар ҷадвал дуюм аст.
Дар даври баъдии чемпионати Италия бошгоҳи шаҳри Рим рӯзи 2-юми феврал дар сафар бо “Удинезе” бозӣ намуда, як рӯз пас аз ин бошад, “Милан” бо Болония рақобат хоҳад кард.
