Сокини деҳаи Муллодавлати шаҳри Ваҳдат Баҳриддин Миров, ки бо лақаби “Ҳоҷӣ Файз” машҳур мебошад, дар шаҳри Челябински Русия боздошт ва ба Тоҷикистон интиқол дода шудааст.

Баҳриддин Мирови 45-сола ҳамчун гумонбар дар содир намудани ҷиноятҳои вазнини хислати экстремистӣ дошта, тамаъҷӯӣ, кӯшиши гаравгон гирифтани одамон, бандитизм ва зӯроварӣ дар ҷустуҷӯи ҷиноӣ қарор дошт.

Бино ба иттилои ВКД, Миров дар ҳамкорӣ бо мақомоти қудратии Русия боздошт ва ба Тоҷикистон интиқол дода шудааст.

Вазорати корҳои дохилии Тоҷикистон аз шахсоне, ки дар бораи ҷиноятҳои содиркардаи Миров ягон маълумот доранд ё шахсан худашон мавриди зӯроварӣ ва амалҳои ҷиноии ин шахс қарор гирифтаанд, хоҳиш кардааст, ки ба телефони боварии 221-21-21 ё ба рақамҳои 221-01-49 ва 918-72-00-00 ба Раёсати мубориза бо ҷиноятҳои муташаккилона хабар диҳанд.