Барномаи “Ислоҳнигорӣ”дар Кумитаи забон ва истилоҳоти кишвар ва як қатор вазорату идораҳои давлатӣ бомуваффақият аз санҷиши тестӣ гузаронида шудааст.
Дар ин бора Сахидод Раҳматуллозода, раиси нави Кумитаи забон ва истилоҳот зимни нишасти матбуотӣ хабар дод.
Раҳматуллозода гуфт, ки барномаи “Ислоҳнигорӣ” ба наздикӣ дастраси оммаи васеъи мардум мегардад, вале санаи аниқи онро ифшо накард.
Барномаи “Ислоҳнигорӣ” имкон медиҳад, ки тамоми хатоҳои имлоии ҷойдошта дар матнҳои тоҷикӣ дар Microsoft Word ба таври автоматӣ ислоҳ карда шаванд.
