Ба саволҳои хонандагони «Оила» адвокат Иноят Иноятов ҷавоб медиҳад. Доир ба машварати ҳуқуқии оилавӣ ва баҳсҳои ҳуқуқии оилавӣ метавонед ба телефони боварии адвокат 98-517-02-21 занг занед.

Савол
Аз никоҳи мусулмонӣ як кӯдак дорам. Шавҳарам вафот кардааст. Донистан мехостам, ки оё ман метавонам ба кӯдакам бо насаби марҳум шавҳарам шаҳодатномаи таваллуд гирам?
Ороста, шаҳри Ҳисор.

Посух
Дар ҳолати фавти шахсе, ки худро падари кӯдак эътироф мекард, вале бо модари кӯдак ақди никоҳ надошт, далели падар эътироф шудани ӯ метавонад аз рӯи қоидаҳои муқаррарнамудаи қонунгузориии мурофиавии граждании Ҷумҳурии Тоҷикистон ба тартиби судӣ муқаррар карда шавад. Бо ҳамин асос, ба шумо тавсия медиҳем, ки бо аризаи даъвогӣ оиди муқаррар намудани воқеияти падарӣ ба суд муроҷиат намоед.