Духтареро самимона дӯст медоштам. Нияти бо ӯ хонадор шуданро доштам, вале сӯҳбату муносибаташ дар дилам шубҳаро тавлид месохт.

Ҳар дафъае, ки ба Нигина занг мезадам, ҳамеша телефонаш банд буд. Ба машғул будани телефонаш эътибор надода, бо ӯ аз дунёи ишқҳарф мезадам, аммо рӯзе ӯро бо ҷавонписари бегона машғули сӯҳбат дидаму дилам аз дунё сард шуд. Медонам, ки вай бо чунин сабукфикриаш ҳаргиз хушбахт намешавад. Дари касеро куфтӣ, ҳатман даратро мекӯбанд. Кам нестанд духтароне, ки дар ҷудоиву бевафоӣ санги маломатро бар сари ҷавонону мардон мезананд. Ман ба ин духтарон гуфтан мехоҳам, ки акнун амали ҳамҷинси худро тасаввур карда, ҳаловат баред!
М.