Дар Бадахшон як ҷавони синну солаш ба хизмати ҳарбӣ расидаро барои саркашӣ аз хизмат дар сафи қувваҳои мусаллаҳи ҷумҳурӣ аз озодӣ маҳрум намудаанд.

Комилов Сорбон Арабшоевич бо ҳукми суди шаҳри Хорӯғ барои саркашӣ аз адо намудани ҳизмати ҳарбӣ бо моддаи 343-и Кодекси Ҷиноятии Ҷумҳурии Тоҷикистон ба мӯҳлати як сол аз озодӣ маҳрум карда шудааст.

Маҳкумшада ҷазоро дар каллонияи низомаш умумӣ сипарӣ хоҳад кард. Дар ин бора рӯзи 1-апрел маркази матбуоти Прокуратураи генералии Тоҷикистон хабар додааст.

Бино ба маълумоти манбаъ, ҳанӯз рӯзи 18-уми марти соли равон кормандони комиссариати ҳарбӣ дар шаҳри Хоруғ ба Комилов Сорбон Арабшоевич барои гузаштан аз комиссияи тиббӣ даъватнома супурдаанд.

Рӯзи дигар Комилов аз комиссияи тиббӣ мегузарад. Номбурда бояд рӯзи 1-апрел барои хизмат ба Ватан-Модар ба сафи қувваҳои мусаллаҳи ҷумҳурӣ сафарбар карда мешуд, вале Комилов Сорбон аз адои хизмати аскарӣ саркашӣ карда, ҳозир нашудааст.

Ёдрас мешавем, ки кормандони комиссариати ҳарбӣ дар Бадахшон рӯзи 1-апрел дар рӯзи нахустини саршавии даъвати ҷавонон ба сафи қувваҳои мусаллаҳи Ҷумҳурии Тоҷикистон аз иҷро шудани нақшаи сафарбарсозии ҷавонон ба аскарӣ хабар доданд.