Alif Intiqol
ҲАДИСАИ МАКОРА БАЧАҲОЯМРО САҒЕРА КАРДАНИСТ
03.10.2020
Р. Азимӣ
2929

Зани бародари шавҳарам Ҳадиса ном дорад, вале Ҳадиса не, ҳодисаи таппа тайёр аст. Аз рӯзе, ки ӯ ба хонаи хусуру хушдоманам келин шуда омадааст, мо рӯзи хушро дигар надидем.

Барои дар назари хушдоманам ширин тофтан чунон корҳое мекунад, ки ба ақли одамӣ рост намеояд. Намедонам ин аҷуза ба гӯши хушдоманам чи дурӯғҳо гуфтааст, ки кампир дигар маро чашми дидан надорад. Доим дуои бадам мекунад. Рӯзе косаи сабрам лабрез гашта пурсидам, ки барои кадом гуноҳам маро азоб медиҳад, хушдоманам чунон гапҳое зад, ки аз шуниданашон қариб девона мешудам. Авсунам ба кампир гуфтааст, ки ман барои ӯро куштан ба назди ким-кадом ҷодугар рафтаам. Аз шунидани ин гап ҳуш аз сарам парид, чунки то имрӯз аз дари ягон муллою бахшию ҷодугар надаромадаам ва умуман ба чунин корҳо бовар надорам. Танҳо як маротиба писарчаамро ба назди як табиби халқӣ бурда будам, то ҷоғи каҷшудаашро эм кунад.

Аз куҷо медонистам, ки ба дарди писаракам даво ҷуста ба сари худ бало мехарам. Аз гиребони авсунам гирифта, талаб кардам, ки ҷодугар будани маро исбот намояд. Хушдоманам ба ҷойи аниқ намудани ҳаққу ноҳақ маро бо асои дасташ зада, таҳдид намуд, ки келинашро ба ҳоли худ гузорам, вагарна писарашро маҷбур мекунад, ки ҷавоби маро диҳад. Аз ҳамон рӯз инҷониб ману авсунам мисли мушу пишак душмани ҷони якдигар ҳастем. Гулбарг маро чашми дидан надораду ман ӯро, мо сояи ҳамдигарро аз девор метарошем. Намехоҳам бо айби ин маккора зиндагиам вайрон шавад.

Илтимос, ба ман маслиҳат диҳед, аз шарри авсуни туҳматчӣ худро чӣ гуна муҳофизат намоям?

Фариза, н. Қумсангир

 

Поделиться новостью
Шарҳ
(1)
М.... 2020-10-24, 23:41
Хохари мехрубон рости гапро гуям зани амакам пас аз Келин шудан модарамро ба назди бобою бибиям Бад карда нишон медодан.Хато Маро низ задан вале ба чашми хама мо Бад будему вае хуб .Аз пушти вае мо хонаи тайеру заминхоро парофта падарам аз бахри хамаш баромадан .Мо ба як хонаи нобут омадем .Шукр гушомо сал ором шуд гуфтем .Вале афсус кемчам аммахоямро низ мукобили мо карда будан .Хатто аммахоям маро Бехуда задан бо модарам бахс кардан .Моро нохак тухмат кардан .Хамаи ин дар зодрузи Ман шуд. Онхо ба саехат раванд Моро чудо мекунанд.Модару падарам хамаашонро бахшидан хамаш мисли пештара шуд .Ин хама бо он сабаб ,Ки Ман ба донишгох бо мехнати худам даромадам .Вале Ман ханущ онхоро набазшидаам.Наметонам харакат кардам намешавад .Лекин ба шумо гуфтаниам ,Ки агар илочаш шавад хонаю дари алохида гиред .Ба гуфтазояшон ахамият надихед .Чизе гуян сабр кунед .Ман модарамро дидам азобашонро ба фикрам аз шумо бадтар буд онхоро чудо карда истода будан Лек Зан ба хама чиз кодир будааст .Ба Аллохи мехрубон Дуо кунед токат кунед хамаш бо мурури замон хуб мешавад.Ба шумо сабр мехохам.
Посух
НОМАТОНРО НАВИСЕД
ШАРҲАТОНРО ГУЗОРЕД
Шарҳ
(1)
М.... 2020-10-24, 23:41
Хохари мехрубон рости гапро гуям зани амакам пас аз Келин шудан модарамро ба назди бобою бибиям Бад карда нишон медодан.Хато Маро низ задан вале ба чашми хама мо Бад будему вае хуб .Аз пушти вае мо хонаи тайеру заминхоро парофта падарам аз бахри хамаш баромадан .Мо ба як хонаи нобут омадем .Шукр гушомо сал ором шуд гуфтем .Вале афсус кемчам аммахоямро низ мукобили мо карда будан .Хатто аммахоям маро Бехуда задан бо модарам бахс кардан .Моро нохак тухмат кардан .Хамаи ин дар зодрузи Ман шуд. Онхо ба саехат раванд Моро чудо мекунанд.Модару падарам хамаашонро бахшидан хамаш мисли пештара шуд .Ин хама бо он сабаб ,Ки Ман ба донишгох бо мехнати худам даромадам .Вале Ман ханущ онхоро набазшидаам.Наметонам харакат кардам намешавад .Лекин ба шумо гуфтаниам ,Ки агар илочаш шавад хонаю дари алохида гиред .Ба гуфтазояшон ахамият надихед .Чизе гуян сабр кунед .Ман модарамро дидам азобашонро ба фикрам аз шумо бадтар буд онхоро чудо карда истода будан Лек Зан ба хама чиз кодир будааст .Ба Аллохи мехрубон Дуо кунед токат кунед хамаш бо мурури замон хуб мешавад.Ба шумо сабр мехохам.
Посух
НОМАТОНРО НАВИСЕД
ШАРҲАТОНРО ГУЗОРЕД