Сармоягузорӣ бо асъори гуногун яке аз роҳҳои маъмули диверсификатсияи пасандозҳо ё портфели сармоягузорист. Маҳз асъори захиравӣ барои васеъ кардани портфели сармоягузорӣ ҷолибтарин ҳисобида мешаванд.
- Доллари ИМА асъори маъмултарин дар ҷаҳон буда, зиёда аз 60%-и тамоми захираҳои ҷаҳониро ташкил медиҳад. Доллари ИМА пули асосии тиҷорат ва сармоягузорӣ буда, инчунин дар бисёре аз кишварҳои ҷаҳон ҳамчун асъори захиравӣ истифода мешавад.
- Евро асъори расмии 19 кишвари ҳавзаи евро мебошад. Ҳамчун дувумин пули захиравии ҷаҳон, ки тақрибан 20%-и тамоми захираҳои ҷаҳониро ташкил медиҳад, евро дар иқтисоди ҷаҳонӣ нақши муҳим мебозад.
- Йени ҷопонӣ бо устувории худ маълум аст. Бинобар ин, он ҳамчун дороии сармоягузорӣ васеъ истифода мешавад. Он тақрибан 5%-и тамоми захираҳои ҷаҳониро ташкил медиҳад.
- Франки швейтсарӣ аксар вақт дар замони буҳронҳои ҷаҳонӣ ҳамчун “паноҳгоҳи амн” ҳисобида мешавад. Швейтсария як кишвари аз ҷиҳати молиявӣ устувор мебошад, аз ин рӯ, франк даҳсолаҳо боз сармоягузоронро ҷалб мекунад.
- Фунт стерлинг асосан дар Британияи Кабир истифода мешавад, аммо асъори муҳими ҷаҳонӣ боқӣ мемонад, ки тақрибан 5%-и тамоми захираҳои ҷаҳониро ташкил медиҳад.
- Чин юанро дар муносибатҳои молиявии байналмилалӣ фаъолона роҳандозӣ мекунад ва ба ин васила қурби асъорро мустаҳкам месозаду онро барои сармоягузории олӣ ҷолиб мегардонад.
