Гулбарг Акобирова, фурӯшандаи мағозаи “Абдулазиз”-и бозори “Панҷшанбе”-и шаҳри Хуҷанд барои таҷлили зодрӯз гунаҳкор дониста шуд.

Ӯ ба зодрӯзаш 15 нафар занони ҳамкорашро ба мағозае, ки дар он кор мекунад, даъват кардааст.

Ба иттилои Раёсати корҳои дохилии вилояти Суғд, ҷашни зодрӯзи фурӯшанда 13-уми сентябр дар мағозае, ки ин зан кор мекард, баргузор шуда, ба он 15 зани ҳамкораш даъват шудаанд.

Гуфта шудааст, ки Гулбарг Акобирова моддаи 8-и Қонуни Ҷумҳурии Тоҷикистон “Дар бораи танзими анъана ва ҷашну маросим”-ро, ки соли 2007 қабул шудааст, вайрон кардааст, зеро тибқи он зодрӯзро танҳо дар доираи оила таҷлил кардан мумкин аст.

Дафтари матбуоти РВКД дар вилояти Суғд гуфтааст, нисбат ба ӯ қисми дуюми моддаи 481 татбиқ карда мешавад, ки тибқи он ҷарима барои ҳисобҳо 740 нишондиҳанда (як нишондиҳанда ба 68 сомонӣ баробар аст) пешбинӣ шудааст. Ин қисми модда ба соҳибкорони инфиродӣ, ходимони дин ва уламо дахл дорад.

Ҳамин тариқ, соҳибкори инфиродӣ Гулбарг Акобирова тибқи ин банд барои таҷлили зодрӯзи худ бояд 51 ҳазор сомонӣ ҷарима пардохт кунад.