Дастаи мунтахаби духтаронаи то 17-солаи футболбози Тоҷикистон пай дар пай дар ду бозии дӯстона духтарони футболбози Арабистони Саудиро шикаст доданд.

Рӯзи 18-уми декабр дар Ҷидда дастаи мунтахаби духтаронаи футболбози то 17-солаи Тоҷикистон бо ҳамсолонашон аз Арабистони Саудӣ бозии дӯстона анҷом дода, ғолиб омаданд. Бозӣ бо ҳисоби 1:0 ба фоидаи духтарони футболбози тоҷик анҷом ёфт. Голи ягонаро дар дақиқаи 82-юм Райҳона Шомуродова ба нишон расонд.

Дар рақобати санҷишии якум низ дастаи мунтахаби духтаронаи то 17-солаи Тоҷикистон оид ба футбол бар дастаи мунтахаби духтаронаи то 17-солаи Арабистони Саудӣ бо ҳисоби 2:0 ғалаба ба даст оварда буд. Голҳоро дар бозии якум Маҳиноз Нурова ва Райҳона Шомуродова ба дарвозаи дастаи рақиб заданд.

Бозиҳои дӯстона бо дастаи мунтахаби духтаронаи то 17-солаи Арабистони Саудӣ барои дастаи мунтахаби духтаронаи то 17-солаи Тоҷикистон яке аз марҳилаҳои омодагӣ ба мусобиқаи интихобии Ҷоми Осиё-2026 мебошад, ки аз 9 то 17-уми октябри соли оянда баргузор мегардад.