Федератсияи байналмилалии ҷудо (IJF) рейтинги нави варзишгарони ин ҷодаро нашр намуд, ки касбияти баланд ва бартарияти ҷудокорони тоҷикро собит месозад.
Ба рӯйхати беҳтарин ҷудочиёни ҷаҳон якбора номи 10 нафар варзишгарони тоҷик ворид карда шудааст. Аз ҷумла Темур Раҳимов дар вазни бештар аз 100 кг бо 5380 хол дар зинаи сеюми рейтинги “Беҳтарин ҷудочиёни ҷаҳон” қарор дошта, яке аз пурқувваттарин гаронвазнҳо дар сайёра ба шумор меравад.
Эмомалии Нуралӣ низ дар вазни то 66 кг бо 4141 хол зинаи ифтихории сеюмро ишғол намудааст.
Сомон Маҳмадбеков дар вазни то 81 кг бо 4540 хол дар зинаи панҷум қарор дорад.
Обид Ҷебов дар вазни то 66 кг бо 3698 хол зинаи 6-умро ишғол намуд.
Беҳрӯз Хоҷазода дар вазни то 73 кг бо 2560 хол дар зинаи 17 аст.
Абубакр Шеров бо 2515 хол дар зинаи 18 қарор дорад.
Ҷаҳонгир Маҷидов дар вазни то 100 кг бо 2190 хол зинаи 25-ро ишғол кардааст.
Комроншоҳ Устопириён дар вазни то 90 кг бо 2079 хол дар зинаи 28 қарор дорад.
Муҳаммадсолеҳ Қуватов дар вазни то 60 кг бо 1948 хол дар ҷойи 30
Меҳрзод Суфиев бо 835 хол зинаи 52-ро ишғол намудааст.
Зинаҳои аввалро дар вазни то 60 кг Лука Мхеидзе бо 6104 аз Фаронса, дар вазни то 66 кг Уиллиан Лима бо 5165 хол аз Бразилия, дар вазни то 73 кг Хидаят Гейдаров бо 8004 аз Озорбойҷон, дар вазни то 81 кг Тато Григалашвили бо 6435 хол аз Гурҷистон, дар вазни то 90 кг Лаша Бекаури бо 6000 хол аз Гурҷистон ишғол намудааст.
Дар вазни то 100 кг Зелим Коцоев аз Озорбойҷон бо 6812 хол пешсаф буда, Тедди Ринери Фаронсавӣ бо 6800 хол дар вазни зиёда аз 100 кг беҳтарин ҷудокори ҷаҳон эътироф шудааст.
