Муҳаббат ҳастам, зани 38-солаам. Баъди соҳиби се фарзанд шуданам шавҳарам бо баҳонаи мардикорӣ ба кишвари Русия рафту ҳамин тавр бедарак шуд.
Ман бо се фарзандам дар хонаи хусурам мондам. Баъди ба камол расидани фарзандонам хусурам маро дар корхонае ба ҳайси фаррош ба кор монд. Аввалҳо бо шавқ ба кор мерафтам, вале рафтори беҷои яке аз коргарони ин корхона маро дилсард карда истодааст. Марди солхӯрдае ҳамеша наздам омада аз ишқу муҳаббат ҳарф мезанад.
Метарсам, ки агар хомӯш истам, маро бадном мекунад. Намедонам инро чӣ тавр ба хусурам фаҳмонам. Ба ман маслиҳат диҳед, чӣ кор кунам?
