Бино ба иттилои ВКД, рӯзи 26-уми март, тахминан соати 16:20 дар роҳи автомобилгарди Душанбе-Бохтар зани 75-сола зери чархи мошин монда, ба ҳалокат расидааст.
Ба иттилои манбаъ, ронандаи 28-солаи автомашинаи тамғаи “Хундай Портер”, сокини ноҳияи Хуросон ҳангоми ҳаракат аз Бохтар ба Душанбе аз уҳдаи идораи воситаи нақлиёт набаромада, сокини дигари ин ноҳия Исмоилова Улуғбии 75-соларо, ки роҳро мегузаштааст, пахш намудааст.
Гуфта мешавад, ки зан бар асари ҷароҳатҳои вазнини ҷисмонӣ дар беморхона ба ҳалокат расидааст.
Оид ба ин ҳодиса таҳқиқот идома дорад.
