Ба иттилои пулиси Душанбе, Самандари Раҳимзод, сокини 33-солаи пойтахт рӯзи 13-уми июн бар асари муноқиша бо ҳамсараш ба чанд ҷойи бадани ӯ корд задааст.

“Он рӯз байни онҳо нофаҳмӣ ба миён омада, аз рӯи хусумату бадбинӣ Самандари Р. бо истифода аз корд якчанд маротиба ба қисматҳои гуногуни бадани ҳамсараш зарба зада, ба ӯ ҷароҳати вазнини ҷисмонӣ расонидааст”,- навиштааст пулиси пойтахт.

Дар пайи ин ҳодиса, ба гуфтаи манбаъ, зан дар беморхона ҷон бохтааст.

Нисбати боздоштшуда барои “қасдан расонидани зарари вазнин ба саломатӣ” (моддаи 110, қисми 3 КҶ) парванда боз карда шудааст. Ин банди қонун аз 12 то 15 сол ҷазои маҳрум сохтан аз озодиро пешбинӣ мекунад.