Бо ташабусси Кумитаи кор бо ҷавонон ва варзиши назди Ҳукумати ҶТ ва дастгирии Федератсияи варзишгарони маъюби кишвар мусобиқа дар намуди дастхобонӣ байни варзишгарони маъюб дар шаҳри Хуҷанд баргузор гашт.
Дар ин мусобиқа варзишгарони имконияташон маҳдуд аз вилояти Хатлон, Суғд, ноҳияҳои тобеи марказ ва шаҳри Душанбе иштирок намуданд.
Фирдавс Саидов, яке аз иштирокчиёни ин мусобиқа роҳандозӣ шудани чунин мусобиқаҳоро дар миёни варзишгарони имконияташон маҳдуд дастгирии саривақтӣ ҳисобида, барои муаррифӣ риштаи варзиши миллии тоҷик заминаи хубе фароҳам меоварад, гуфт ӯ.
Номбурда қайд кард, ки ман дар симои дигар варзишгарони имконияташон маҳдуд барои дастгириҳои бевоситаи Пешвои Миллат минатдории худро баён намуда, кушиш менамоем, ки парчами Тоҷикситонро дар миёни дигар кишварҳои ҷаҳон дар намудҳои гуногуни варзиш миёни шахсони имконияташон маҳдуд муаррифӣ намоем.
Дар натиҷаи мусобиқа дастаи варзишгарони маъюби шаҳри Ваҳдат сазовори 14 медал, 3 медали тилло 6 медали нуқра ва 5 медали биринҷӣ гардида, дигар иштирокчиён низ бо мукофотҳо сарфароз гардонида шуданд. Ин нахустдастовардҳои варзишгарони шаҳри Ваҳдат дар соли 2022 маҳсуб меёбад, гуфта мешавад дар хабар.
