Размикори тоҷик Доробшоҳ Наботов, ки дирӯз дар нишасти матбуотӣ аз Дана Уайт барои ширкат дар мусобиқаи UFC 308 иҷозат хоста буд, ба орзуяш расид. Роҳбари лига ба Доробшоҳ имкони намоиш додани қудрат ва зӯру тавони худро дод.
Наботов рӯзи 14-уми декабри соли равон дар мусобиқаи UFC дар Куриё рақобат хоҳад кард. Дар сурати пирӯзӣ UFC бо ин размкори ҷавони тоҷик қарордод мебандад.
Доробшоҳ Наботов 25-сола ва зодаи Хатлон буда, дар вазни сабук ҳунарнамоӣ мекунад. Устоди варзиши ММА, панкратион ва самбои ҷангист. Оилаи онҳо ба Русия кӯчида, маҳорати худро он ҷо такмил додааст.
Доробшоҳ Наботов дар лигаҳои ACA Young Eagles, Ural FC, AMC Fight Nights ҳунарнамоӣ мекард. Дар муддати фаъолияташ дар UFC 9 рақобат гузаронида, дар ҳамаи мусоқибаҳо ғолиб омадааст, вале тавре ки худаш дар нишасти матбуотӣ гуфт, менеҷер надорад ва ҳама чизро мустақилона ҳал мекунад.
Доробшоҳ Наботов аз Дана Уайт як шонс хоста буд ва Дана онро аз размикори ҷавони тоҷик дареғ надошт. Умедворем, ки муваффақият ба Доробшоҳ ёр хоҳад гашт.
