Ҳамал (21 март-20 апрел)
Эҳтимоли сар задани ҷангу ҷанҷолҳои оилавӣ вуҷуд дорад, бинобар ин, кӯшиш намоед, ки бо ягон ҳарфи ноҷо хотири пайвандонатонро наозоред. Ба маслиҳати нафароне, ки қаблан шуморо дастгирӣ мекарданд, гӯш андозед. Бегоҳирӯзӣ барои қабули меҳмон мусоид аст.
Савр (21 апрел-22 май)
Дар ин рӯз саврҳо танҳо истироҳат кардан мехоҳанд, на кори муҳим, на мушкилоти молиявӣ ва на душвориҳои оилавӣ садди роҳи истироҳати бофароғати шумо гашта наметавонанд. Истироҳат албатта хуб аст, вале дар масъалаҳои ҳаётан муҳим бепарвоӣ зоҳир накунед, вагарна пушаймон мешавед.
Ҷавзо (23 май-21 июн)
Орзуи бузурге, ки кайҳо боз дар дили худ мепарваридед, ҷомаи амал мепӯшад. Заҳматҳоятон самари хуб меоранд, агар бо тамоми қувват кор карда, донишу малакаи худро нишон диҳед. Ҳангоми ба зиёфату меҳмонӣ рафтан ба пурхурб роҳ надиҳед. Бо одамоне, ки хуб намешиносед, дарди дил накунед.
Саратон (22 июн-22 июл)
Зимни ҳал кардани мушкилоти корӣ танҳо ба ақли солим такя намоед. Дар масъалаҳои пулӣ аз калонсолон ё аз шахсоне, ки сарашонро дар ҳисобу китоб сафед кардаанд, маслиҳат пурсед. Табъатон болида, корҳоятон бобарор, кисаҳоятон пури пул хоҳад гашт.
Асад (23 июл-23 август)
Дар ин рӯз тамоми фикру зикри асадҳо танҳо ба мушкилоти оилавӣ банд мешавад. Ҷангу ҷанҷолҳои баҳудаю беҳудаи ҳамсаратон ба дили аз алами бепулӣ ғамбори шумо намак пошида, хотиратонро озурда месозанд. Касеро гунаҳкор накунед, беҳтараш ин давраи душвори зиндагиро оромона паси сар намоед.
Сунбула (24 август-23 сентябр)
Бурдборӣ шуморо дар ҳама ҷода пайгир мешавад. Барои он ки мурғи бахт аз бағалатон рамида нагурезад, ҳавобаландиву мағрурӣ накунед, тамоми туҳфаҳои тақдирро бо лабханд қабул намуда, бештар ба кори хайру савоб даст занед. Нафаре, ки аз шумо қарздор буд, пулро бармегардонад.
Мизон (24 сентябр-23 октябр)
То даме ки дар хонаи шумо ҷангу ҷанҷол ҳукмфармо аст ва ҳамсаратон бераҳмона ба торҳои асабатон нохун мезанад, коратон пеш намеравад. Душвор бошад ҳам, тоқат кунед ва бо кадом роҳе, ки набошад, вазъиятро ором созед. Аз ҳад зиёд содаву зудбовар нашавед, нафаре аз ҳисоби шумо пул кор мекунад.
Ақраб (24 октябр-22 ноябр)
Дар ин рӯз ба осонӣ ҳамфикру ёрдамчиёни беминнат пайдо мекунед. Барои харидорӣ намудани либосу ҷиҳози зебо рӯзи бобарор аст, пулро беҳуда сарф намекунед. Дар дили ақрабҳои муҷарраде, ки то ин дам аз оиладоршавӣ қимоб буданд, якбора хоҳиши ҳарчӣ зудтар оила бунёд кардан пайдо мешавад.
Қавс (23 ноябр-21 декабр)
Қавсҳоро дар ин рӯз вохӯриҳои аҷиб интизор аст. Ба корҳое, ки боиси рехтани обрӯву эътиборатон мегардад, даст назанед. Қавсҳои мошиндор ба кӯмаки устои мошин ниёз пайдо мекунанд. Нафароне, ки нияти ба хонаи нав кӯчиданро доранд, бо дили пур метавонанд манзилашонро иваз кардан гиранд.
Ҷаддӣ (22 декабр-20 январ)
Ҷаддиҳо бо мақсади хариди калон кардан аҳли оилаи худро ба сарфакорӣ маҷбур мекунанд. Дӯсти деринатон қарзи ким-кайҳо гирифтаашро ба шумо баргардонида, хотиратонро шод месозад. Овозаҳои дар атрофи номатон пайдошуда наметавонанд обрӯи шуморо резонанд, агар қадаматонро дониста гузоред.
Далв (21 январ-20 феврал)
Дар ин рӯз далвҳо ба оромиву нишот ниёз пайдо мекунанд. Ҳисси танбалиатон боло гирифта, мехоҳед рӯзи дароз дар болои чор қабат кӯрпача бароҳат хобед. Мутаассифона, баъзе мушкилиҳои оилавӣ фикрҳоятонро парешон месозанд. Мардҳо бо кумаки бонувон мушкили худро осон мекунанд.
Ҳут (21 феврал-20 март)
Ҳутҳо нақшаи калонеро тарҳрезӣ карда, бо кӯмаки дӯстони содиқашон осону бе ягон мамоният ба мақсад мерасанд. Ташвишу воҳимаи шумо аз назари атрофиёнатон пинҳон намемонад, вале баъди ба муроди дил расидан обрӯву нуфузатон чандин карат зиёд мегардад.
