Ҳамал (21 март-20 апрел)
Аз субҳ ташвишатон зиёд гашта, баъзе корҳоятон нотамом мемонанд. Асабӣ нашавед, ҳар кор вақту соати худро дорад. Дар ҷодаи муҳаббат шиносоиҳои хотирмон имкон доранд. Баъди нисфирӯзӣ барои ба даст овардани маблағи пулӣ беҳуда кӯшиш накунед. Бемориро сари вақт табобат кардан ба манфиати шумо аст.
Савр (21 апрел-22 май)
Вазъи молиявиатон чандон тағйир намеёбад. Эҳтимоли ба даст овардани пули бе дардимиён вуҷуд дорад, вале пул чуноне, ки осон ба даст меояд, ҳамон сон аз даст меравад. Барои мардоне, ки бо тиҷорат машғуланд, рӯзи бобарор аст, аз ҷониби нафарони воломақом дастгирӣ мебинед. Дар хоб дидани мӯй ё ришта нишонаи он аст, ки роҳи интихобкардаи шумо нодуруст аст.
Ҷавзо (23 май-21 июн)
Дар ин рӯз қувваву андешаҳои наву тоза табъатонро болида месозанд. Маҳз дар ҳамин рӯз мушкилиҳои ҳаёти шахсиро рафъ месозед, ки вақтҳои охир шуморо тарк намесохтанд. Бегоҳирӯзӣ нафарони нозуку ҳасос асабонӣ шуда, бе ягон сабаб ғамгин мегарданд. Дӯсти деринатон дар тақдири шумо нақши муҳим мебозад.
Саратон (22 июн-22 июл)
Корҳои пештар оғоз кардаатонро метавонед ба анҷом расонед. Ҳангоми кореро ба нақша гирифтан хеле эҳтиёткор бошед. Беҳтараш кореро, ки аз уҳдааш намебароед, ба дӯши худ нагиред. Худро аз ҳад зиёд хаста нагардонед, вагарна ба саломатиятон зарари ҷиддӣ мерасад.
Асад (23 июл-23 август)
Дар ин рӯз кӯшиши тағйир додани нобарориҳои ба саратон омадаро накунед. Эҳтимоли рух додани мушкилӣ бо наздикон ё дӯстони наздикатон вуҷуд дорад. Бонувон бояд нисбати саломатии худ бодиққат бошанд. Мардҳо набояд ба коре, ки боиси аз даст додани дӯстони вафодорашон мегардад, даст зананд.
Сунбула (24 август-23 сентябр)
Хурсандиву нобарориҳо дар ин рӯз ҷои якдигарро иваз мекунанд. Виҷдони худро нафарӯшед, дӯстони вафодори худро аз даст медиҳед. Аз муносибатҳои ошиқона худдорӣ намоед, вагарна дучори мушкилиҳо мегардед. Каме нотоб мегардед, вале ин муваққатист.
Мизон (24 сентябр-23 октябр)
Барор ҳамсафари нафароне мегардад, ки нақшаи корҳои худро таҳлил намуда, баъдан амал мекунанд. Мушкилиҳои ба саратон омадаро ба нафаре нақл кардан мехоҳед. Ба зери таъсири нафарони бегона наафтед. Бегоҳирӯзӣ омадани меҳмон ё хешовандонро интизор бошед.
Ақраб (24 октябр-22 ноябр)
Корҳоятон барор мегиранд, вале дар муносибат бо шахси дӯстдоштаатон мушкилӣ сар мезанад. Аз муноқиша дурӣ ҷӯед ва ботаҳаммул бошед. Эҳтимоли бад шудани вазъи молиявиатон дар назар аст, аз ин рӯ, дар сарфи пул аз ҳад нагузаронед. Хобҳои ташвишоварро аз мадди назар дур насозед.
Қавс (23 ноябр-21 декабр)
Дар ҳама кор андозаро нигоҳ доред. Эҳтимоли нотоб шуданатон вуҷуд дорад, асабоният ва ғаму андуҳи бесабаб нақшаҳоятонро барбод медиҳад. Рӯзи хубест барои ташхиси бемориҳо ва сар кардани табобат. Муҳим он аст, ки саломатии худро эҳтиёт намуда, танҳо ба мутахассисон соҳибтаҷриба муроҷиат намоед.
Ҷаддӣ (22 декабр-20 январ)
Дар ин рӯз табъатон болидаву бар замми меҳнат карданатон истироҳат низ мекунед. Ба мушкилилҳои шахсӣ диққати бисёр надиҳед. Бегоҳирӯзӣ дар ҷойҳои камодам сайругашт карданатон манфиатбахш аст. Эҳтимоли хурӯҷ кардани бемориҳои музмин имкон дорад. Баъди нисфирӯзӣ хабари хуш мешунавед.
Далв (21 январ-20 феврал)
Рӯзи душвор аст, аксари далвҳо мавриди санҷишу имтиҳон қарор мегиранд. Мушкилиҳои ба саратон омадаро ба атрофиён нақл кардан мехоҳед, вале аз карда пушаймон мегардед. Шиносҳои деринаи худро аз даст надиҳед. Баъди нисфирӯзӣ каме нотоб мегардед.
Ҳут (21 феврал-20 март)
Дар ҳама кор андозаро нигоҳ доред. Яку якбора аз пайи чанд кор давида, ҷисману руҳан хаста нашавед. Дар истеъмоли хӯрок боэҳтиёт бошед. Нисбати хешовандони калонсол босабру ботаҳаммул бошед. Нафароне, ки рӯзи дарозро дар берун мегузаронанд, эҳтимоли бемор шуданашон вуҷуд дорад.
