Фаррух Амонатов ягона гроссмейстери тоҷик аст, ки дар мусобиқаи Open FIDE Rated блитс бо фонди ҷоизаи 4 ҳазор доллар ҷойи 1-умро гирифт. Дар чаҳорчӯби ин мусобиқот ӯ дар 11 мусобиқа бар 332 ҳарифи кишварҳои дигар пирӯз шуд.
Амонатов Фаррух Ҳукуматович 13-уми апрели соли 1978 дар шаҳри Душанбе таваллуд шуда, шатранҷбоз, гроссмейстер ва мураббии тими ҷавонони Русия оид ба шоҳмот аст. Ӯ дар синни 6-солагӣ ба шоҳмотбозӣ шуруъ кард. Соли 1995 мактаби миёнаи №20-и шаҳри Душанбе ва соли 2000-МТУСИ-и Маскавро хатм кардааст.
Чемпиони Осиё байни наврасон (1992), чемпиони Маскав (2004 - дар сабқати инфиродӣ, 2003 - байни бошгоҳҳо дар ҳайати ҶСК “Вертикал”) буда, дар соли 2005 ӯ ғолиби мусобиқаи Moscow Open шуд. Соли 2007 дар Суперфинали Чемпионати Русия ҷои 10-умро ишғол кард ва ҷоизаи ёдбуди Циолковскийро гирифт.
Фаррух Амонатов Чемпиони Тоҷикистон (2006) буда, дар ҳайати дастаи мунтахаби кишвар 12 қаротиба (1996-2018) дар олимпиадаҳо иштирок карда, дар 11 маврид дар тахтаи 1 бозӣ кардааст. Соли 2015 барандаи медали нуқраи Чемпионати Русия шуд ва инчунин дар чемпионати Осиё ҷойи 3-юмро гирифт. Ӯ узви ситоди мураббиёни тими миллии Русия буда, ба тими миллии Ҳиндустон маслиҳат медиҳад.
