Кормандони бозрасии милитсияи пойтахт се далели идораи воситаи нақлиёт дар ҳолати мастиро ба қайд гирифтаанд.

Бино ба иттилои Раёсати ВКД дар шаҳри Душанбе, дар натиҷаи ташхиси тиббӣ муайян карда шудааст, ки шаҳрвандон Меликов Идибек - ронандаи воситаи нақлиёти тамғаи «Тайота», рақамҳои қайди давлатиаш 9999DL10, Гулов Умед - ронандаи воситаи нақлиёти тамғаи «Лексус», рақамҳои қайди давлатиаш 6161QF10 ва Раҳмонов Икром - ронандаи «Мерседес», рақамҳои давлатиаш м6482р07 дар ҳолати мастӣ қарор доштаанд.

Нисбати номбурдагон бо моддаи 332 КҲМ Ҷумҳурии Тоҷикистон протоколҳои маъмурӣ тартиб дода шуда, барои чораҷӯӣ ба суд ирсол карда шудааст.