Размкори тоҷик Сарвар Ҳамидов дар сабқати PFL World Tournament иштирок намуда, барои ба даст овардани Гран-При-Шоҳҷоизаи мусобиқаи мазкур, ки 500 ҳазор доллари амрикоӣ муайян шудааст, мубориза мебарад.

Даври аввал, яъне даври чорякфиналии Гран-прии PFL дар шаҳри Орландои Амрико рӯзҳои 4, 12, 19-уми апрел ва 3-юми май

баргузор мегардад. Мусобиқоти даври нимфиналӣ рӯзҳои 13, 21 ва 28-уми июн дар назар дошта шудаанд. Даври финалии мусобиқа 2, 16 ва 22-юми август баргузор гашта, ғолибро мукофоти калон дар ҳаҷми 500 ҳазор доллари амрикоӣ интизор аст. Дар даври чоҳорякниҳоӣ рақибон 3 маротиба (3 раунд) 5-дақиқагӣ мубориза мебаранд. Дар даври нимфиналӣ ва финалӣ 5 муборизаи 5-дақиқагӣ сурат мегирад. Рақобат дар қафасҳои гирдгузашта, дар ҳар даври мусобиқа 8-нафарӣ, дар маҷмуъ 64 размкор ширкат меварзанд.

Номи рақибони паҳлавони тоҷик ва рӯзи ба майдон баромадани Сарвар Ҳамидов, ки дар вазни 61 кг қувваозмоӣ мекунад, ҳанӯз маълум нест.